မဟာစည် သာသနာ့ ရိပ်သာတွင် မင်္ဂလာဦး ဆွမ်းကျွေးမည့် ရဲလေး

အဆိုတော် ရဲလေးက ချစ်သူ အေးမြနှင့် အတူ မင်္ဂလာဦး ဆွမ်းကျွေး ကို မေ ၁၈ ရက်နေ့တွင် မဟာစည် သာသနာ့ရိပ်သာမှာ ပြုလုပ်မည်ဟု ပြောသည်။
ချစ်သူ အေးမြနဲ့အတူ ဖေဖော်ဝါရီ ၂၆ ရက်နေ့က လက်မှတ်ထိုး လက်ထပ် လိုက်ပြီ ဖြစ်ပါတယ်။ မဟာစည် သာသနာ့ ရိပ်သာမှာ မင်္ဂလာဦး ဆွမ်းကျွေး မည်ဖြစ်ပြီး ခင်ရာမင်ရာ သူငယ်ချင်းတွေ နဲ့ ညစာစားပွဲ လည်း ပြုလုပ်မှာ ဖြစ်ကြောင်း ရဲလေးက ပြောသည်။
”ကျွန်တော် အသက် ၃ဝ ပြည့်ပြီ ဆိုတော့ အိမ်ထောင်ပြုသင့်တဲ့ အရွယ်ရောက်ပါပြီ။ နောက်ပိုင်း ကျရင်တော့ ကျွန်တော် နောက်ကျ သွားမယ်လေ။ ဆုံးဖြတ်ချက်တွေ နောက်ကျ သွားမှာလည်း မလိုလားဘူး။ အချိန်ကောင်းလည်း ဖြစ်တယ်။ ကျွန်တော်တို့ နှစ်ယောက် သံယောဇဉ် ဖြစ်နေတာလည်း တော်တော် ကြာပြီ ဆိုတော့ ဒီလို အချိန်ကတော့ အနေတော်ပါပဲ။ အနေတော် အဖြစ်ဆုံး အချိန်ဖြစ်တဲ့ အတွက် ကျွန်တော် တို့ ဆုံးဖြတ်လိုက် ကြတာပါ။ တစ်ယောက် နဲ့ တစ်ယောက် နားလည်မှုတွေ သေချာ ယူပြီးတော့ ဘဝသစ်တွေကို ရင်ဆိုင်မယ် ဆိုပြီးတော့ ကျွန်တော် တို့ လက်တွဲ ဖြစ် ကြတာပါ” ဟု ရဲလေးက ဆိုသည်။