အင်္ဂလန်က ဒါရိုက်တာနဲ့ မြန်မာပြည်မှာ ဗီစီဒီရိုက်ကူးဖို့စီစဉ်နေတဲ့ စမိုင်း

စီးပွားရေးလုပ်ငန်းလည်း လုပ်ကိုင်နေသလို ပျော်ရွှင်စရာကောင်း တဲ့ မိသားစုဘက်ကိုလည်း အချိန်ပေးနေတဲ့ စမိုင်းက အနုပညာ ဘက်မှာလည်း မလစ်ဟင်းအောင် သူ့ရဲ့ ပရိသတ်တွေအတွက်New Me လို့  Title နာမည်ပေးထားတဲ့ တစ်ကိုယ်တော် စီးရီး ခွေစီစဉ်နေတာ ၂ နှစ် လောက် ကြာနေပြီဖြစ်ပြီး ပရိသတ်တွေ က စမိုင်းကို ပုံစံအသစ်၊ လူအသစ်နဲ့ မြင်တွေ့ရမှာဖြစ်လို့New Me  လို့ နာမည်ပေးထားခြင်းဖြစ်ကြောင်း စမိုင်းက   ပြောပါတယ်။ ဗီစီဒီပါ တစ်ခါတည်းရိုက်ကူးနေပြီး ဇွန်လကုန်လောက်ထွက်ဖို့ မျှော်လင့်ထား  ကြောင်း ပြောပါတယ်။ မိသားစုနဲ့အတူ သင်္ကြန်မတိုင် ခင်က အင်္ဂလန်နဲ့ စပိန်ဘက် ကိုလည်း အလည်သွားရောက်ခဲ့ပြီး ဗီစီဒီအတွက် သီချင်း ၄ ပုဒ်ရိုက်ကူးခဲ့ ကြောင်းသိရပါတယ်။ “နိုင်ငံခြားက ဒါရိုက် တာနဲ့ပဲ ရိုက် တာပါ။ သွားမယ်ဆိုကတည်းက ဟိုက ဒါရိုက်တာနဲ့ရိုက်ဖို့ ကြိုပြီးစီစဉ်ထားတာ ပါ။ ပရိသတ်တွေ အမြင်ဆန်းအောင်လို့ ကြိုးစားထားပါ တယ်။ ကွာခြားမှုကတော့ နိုင်ငံခြားက ဒါရိုက်တာကတော့ သူတို့ရဲ့ မီးအယူအဆတွေ၊ တည်းဖြတ်တဲ့အပိုင်း တွေကအစကွာခြားပါတယ်။ မြန်မာ   ပြည်က ဒါရိုက်တာတွေကလည်းတော် ကြပါ တယ်။ နိုင်ငံခြားက ဒါရိုက်တာနဲ့ ရိုက် တယ်ဆိုတာက နည်းနည်းလေး အမြင်ဆန်း သွားအောင်လို့ပါ။ ကျန်တဲ့သီချင်းတွေကိုလည်း ဒီ့ပြင် ဒါရိုက်တာတွေနဲ့ ရိုက်ဖြစ်မှာပါ။ အင်္ဂလန် က ဒါရိုက်တာကိုလည်း ဒီကို ခေါ်ပြီးရိုက်ဖို့ စီစဉ်နေပါတယ်။ သူနဲ့ မေလ ကုန် ဒါမှမဟုတ် ဇွန်လဆန်းထဲ မှာတော့ ရိုက်ဖြစ်မှာပါ။ သီချင်း ၁၂ ပုဒ်လောက်ပါပါမယ်”  လို့ အခွေနဲ့ ပတ်သက်ပြီး စမိုင်း က ပြောပြခဲ့ပါတယ်။

ခိုင်ဝေလွင်
By Popular Myanmar